بيشتهيني الوجع
بيشتهينى الوجع
هيمان ف أحضانى
رافض هواه الدلع
رفرف ف وجدانى
عاشق بيهمس لى
وحابب ينافسنى
ويفور ما بين قلبى
يصرخ ما بين ضلعى
غنى غناه سمعى
يالحظة نمرودة
فكى إطار صمتك
اللحظة ممدودة
قيدى براكينك
عمرى ضيا عينك
عاشقنى ليه الوجع
وأنا رافضة أعيش عيشته
أيدك معايا يا زمن
حاكسر نغم ريشته
وأعزف على حلمى
وأمحى له زركشته
أنا كارهه إحساسه
مش حابه أنفاسه
يا دنيا يا صحبتى
حقى وحريتى
أيدك معايا يا زمن
حاطويه ما بين قوتى
ليست هناك تعليقات:
إرسال تعليق