ما تصحصحى يا سنين
امحى تجاعيدك
ودفى روح الشتا
ورجعى عيدك
اتعلمى الأفراح
وانسى مواعيدك
شكل الزمان تعبان
وزحامه ما بيرحمش
والبصة ف الوقت
مش شايفة أبدا شمس
والقلب ما بيقدرش
يعدى بعد السهر
ولا يشربش يوم
من كدبه الضحكة
ما تصحصحى يا سنين
شدى على زنادك
ضمى لقا ولادك
ما تكشريش ف الوش
كل الكلام قش
بين السطور يندش
ميتانه ساعاتك
تايهه فى هفاواتك
ما تصحصحى يا سنين
ليست هناك تعليقات:
إرسال تعليق