مايــــو
ودعينى يا لحظة ضياع
واتركينى
بين سيجارتى وقهوتى
دخان وفكرة
إحساسى جديد
وحدنى
بالشوق البعيد
لملم يا ربيع عتمتى
شجر انفرط
جوا عيونى ونظرتى
أنا سنبلة
بتبتدى
طفلة بتتعلم قواعد
عمرها
وتحتمى بين صدر أمها
يا مايو
ودعت برد الضلمة
وصقيع الشتا
علمنى أفوق
جمع لى أسمى
ولضم سبحتى
واسقينى
من عطش اللى فات
والسفر بين ذكريات
مايو جسور
مايو نور
أضحك ما بين كل السطور
علمنى ابدأ ابتسم
وارسم حياتى ف الشروق
ليست هناك تعليقات:
إرسال تعليق