العمر وراقة
لموا الجراح م البيت
وارموها تحت المطر
الشمس بكرة (أكيد)
حيقول لها القمر
تدخل على قلوبنا
ترمى غبار التعب
دا العمر وراقة
ليه سقفنا مخروم
ليه شكلنا مهموم
شباكنا مش فاتح
لنسمتى طاقة
دا العمر وراقة
نقطعها نرميها
وتعدى لياليها
ونفوق بعد ما نلقى
ورقها صبح فاضى
لا بيحكى عن بكرة
ولا زمان ماضى
بدن الحياة أبيض
ورق الحياة مكتوب
سطر وعليه أسمك
مطوى ف جواب سرك
نورك ما بين حسنك
فعلك بقى محكوم
أفرد جناح قلبك
رفرف على غيرك
لم الجراح م البيت
وهات لنا خيرك
دا العمر وراقة
ولأمتى حنتلاقى
ليست هناك تعليقات:
إرسال تعليق