الميلاد
وأنا لسه رايحة الأمسية
عجبنى شكلى ف المرايه
ولمعت عيونى بفرحتى
لون الورود ف بشرتى
لون القمر فى ضحكتى
شدت عزيمتى وقوتى
وشنطتى فيها الميلاد
دواوينى عمرى تكوينى
ونزلت برا الصومعة
بتزفنى الخطوة وتروينى
وطايرة بيا الأرض
الدنيا ملكى
بالطول والعرض
كل الحروف تتهجى أسمى
والتابلوهات والأعلانات
عليها صورتى
متبروزة بضى الزمان
تنده إيمان
تكتب إيمان
تهتف إيمان
ليست هناك تعليقات:
إرسال تعليق