رجعت روحي لكياني
كان الدمع بيشاغب جفنى
ونبضاتى بترجف قلبى
وإحساسى بيقشعر
من شدة .. حدة .. وجعة
أطرافى تمد مسافة طوقها
تلمسى كفى
وخدودى بترعشها الشهقة
وفوران الدم الناتر
ف برودة على كتفى
مهزوزة النظرة .. الكلمة .. الفكرة
منتورة الثانية ف عتمة رهيبة
أنا موجودة
ف الجسد الفاقد حدثه
مشدودة لطوق
بيدور جوايا
وفى نفس اللحظة
اللى أتمنيت إحساسه يشاركنى
ويهدهد حيرتى
ويرجع لى قاموسى
رن التليفون
حس بآهى
لهفة عمرى ودمعى
وقلبى وشريانى
وعقلى وأنفاسى
ردت على همسة
وشفانى
رجعت روحى لكيانى
ليست هناك تعليقات:
إرسال تعليق