شجر الشوق
شمس الحب
بتستحمى ف المدى
على رقص الموج
على حافة ضوء الحلم
يا فرس الإحساس الهايم
يا عصفور الحرية
الطاير بين
سماوات القلب
يا شجر الشوق
الساكن ف عيون الصبح
صحى الفارس
يقطف عناقيد النصر
يداوى الروح
دا الوجه صبوح
لحبيبه بتعشق
قمر البوح
وبتغزل ويا الفجر الفرح
يا فارس اصحى
الشتا متاخد
من اجهاض البرد
والصورة وحيدة
ف حضن الأرض
بروازها صمت
صهللى يا ليالى الرعد
الرغبة بتشكى
من وجع السهد
يا شمس الحب
صحى الفارس
قبل الفرسه
ما تجرى وتلحق
قطر البعد
صحى الفارس
ليست هناك تعليقات:
إرسال تعليق