محمد يا نور الحياة
دايما أحس
ملامحى عجوزة
وفاقدة النضارة
وبالمح ف صورتى
زعيق السنين
وصرخة آلامى
وتشفق عليا مرايتى تنادينى
أبص ف سهادى
بنظرة التقينى
نسيت أخضرارى
وشايفة أصفرارى
مدارى الورود
ويندهنى ابنى
تدب الحياة ف كيانى وعروقى
أشبك بسرعة شبابى ف شروقى
دفايا حنانى بيسكن ضلوعى
وأنسى ظنونى
وأجرى عليه
أحس بروحى تتوج حبيبى
وتبدر حنينى وآمالى عليه
محمد يا روحى
يا نور الحياة
ليست هناك تعليقات:
إرسال تعليق