يا فرح صاحبنى
يا فرح صاحبنى
دا الحزن ساحبنى
واخدنى للآهه
وفى حضنها سابنى
فارد شباك خوفه
جوايا وغلبنى
يا فرح ليه متغرب
تعالى نتقرب
بامدلك إيدى
بتجينى وبتتهرب
يا فرح تاج ع الراس
جوا القلوب نبراس
قلبى رقيق حساس
بيقيد شموع الناس
وأنا آهى متقادة
يا حزن بزيادة
باشيل هموم غيرى
والصدق فى ضميرى
والحب تكوينى
طب ليه بتكوينى
يا دنيا حبينى
عاتبينى سامحينى
ع الفرح صالحينى
خليه يصاحبنى
يا فرح صاحبنى
يا فرح
صاحبنى
ليست هناك تعليقات:
إرسال تعليق